Ватă çынсен пĕп-пĕринпе калаçмалли туллиех. Пĕр ялта пурăнсан та тепĕр чух тĕл пулма вăхăт тупăнмасть. Услă Пукашри шурă çÿçлĕ ватă çынсемпе нумаях пулмасть «Раççейри сусăр çынсен пĕрлешĕвĕ» организацин Сĕнтĕрвăрри районĕнчи уйрăмĕн ертÿçи Дюсембек Уразбекович Абишев тĕлпулу ирттерчĕ. Унпа пĕрле Сĕнтĕрвăрринчи хула тăрăхĕн депутачĕ Вячеслав Степанов пулчĕ.

Тĕлпулăва А.Максимов. А.Углов, Н.Сотнезов хутшăнчĕç. Анатолий Максимов тивĕçлĕ канăва шалти ĕçсен министерствинчен тухнă. Хăйĕн ĕçĕшĕн тĕрлĕ наградăсем илме тивĕçлĕ пулнă. Палăртса хăварар, Анатолий Владимирович пирĕн хаçатăн çирĕп тусĕ, редакцине тăтăшах çырусем çырать, хăйсен ентешĕсем çинчен хыпарласа тăрать. Тĕлпулăва хутшăннă Алексей Угловпа Николай Сотнезов та хăйсен кулленхи пурнăçĕ çинчен хăнасемпе калаçрĕç. Вĕсем çапла пĕр-пĕринпе тĕл пулса пурнăçри лару-тăрăва сÿтсе явма май тупнишĕн савăнчĕç.

Дюсембек Уразбекович ватă çынсене ку йышши тĕлпулусем тата йĕркелессе шантарчĕ.

О.СЛАВИНА.