Иртнĕ эрне вĕçĕнче Чăваш Республикин Пуçлăхĕ М. Игнатьев Сĕнтĕрвăрри тăрăхĕнче пулчĕ. Вăл район активĕн Культура керменĕнче иртнĕ анлă канашлăвне те хутшăнчĕ. Асăннă мероприятире Сĕнтĕрвăрри районĕн иртнĕ çулхи социаллă-экономика аталанăвпе тата малашлăх планĕсемпе çыхăннă ыйтусене пăхса тухрĕç.

Çавăн пекех М. Игнатьев хăйĕн Указĕпе килĕшÿллĕн, нумай çул хушши хăйсен ĕçĕсене тивĕçлипе пурнăçланă граждансене чаплă лару-тăрура «Чăваш республикин ĕç ветеранĕ» ята тивĕçлипе пĕлтерекен удостоверенисем панă.

Çапла вара, пирĕн районта ĕç ветеранĕсен йышĕ ÿссех пырать.

Е. ИВАНОВА.