Кăçал вара вексиллографи (геральдикăн «йăмăкĕ» тесен те йăнăш пулас çук) енĕпе иртрĕ вăл. Асăннă мероприятие ку енĕпе Чăваш Республикинче малта пыракан виçĕ район хутшăннă, Пăрачкав, Красноармейски тата Сĕнтĕрвăрри. ¤на ертсе пыраканĕ Сĕнтĕрвăрри районĕнчи тĕп библиотека ĕçченĕ Л. Борзова пулчĕ. Çавăн пекех проект авторĕсем, фестиваль хăни – Мари Республикин геральдмейстерĕ И. Ефимов, Карапаш ял хутлăхĕн пуçлăхĕ В. Михайлов, республикăри тĕрлĕ муниципаллă учрежденисен гербĕсене хатĕрленĕ В. Шипуновпа Г. Шипунова тухса калаçрĕç иртнĕ юнкун районти Культура çуртĕнче йĕркелесе ирттернĕ фестивальте.

В. МЕРИНА.